Жедел желі
Жаңалықтар
«Кедентранссервис» АҚ «Южноуральский» КЛК жобасының аясында «шатл-тасымалдауларды» ұйымдастыруда
«Кедентранссервис» АҚ Челябі облысының Үкіметіне «Южноуральский»КЛК инвестициялық жобасын іске асыруда көмек көрсетеді. Қолдау туралы ниет Бүгін «ҚТЖ» ҰК» АҚ компаниясының, Челябі облысының Үкіметінің және инвестор ретінде әрекет ететін «Лоджик Лэнд» компаниясының өкілдері қол қойған келісімде ресми түрде бекітілді.
Қол қойылған құжатқа сәйкес, қазақстандық тарап атынан «Кедентранссервис» АҚ Қытайдан Ресейге жүк тасымалдау бөлігінде «Южноуральский» көлік-логистикалық жобасына кешенді қолдау көрсетеді. Мемлекетаралық ынтымақтастықтың нақты шаралары ретінде бастапқы кезеңде контейнерлік шатл-тасымалдарды ұйымдастыру және шекарада жүктерді жедел терминалдық өңдеу саласында қолдау көрсету айқындалды.
Кедентранссервис компаниясының осы жобаға қатысуға келісімі ҚХР-дан РФ Челябі облысына жүк тасымалдаудың оңтайлы мерзімдері мен бағаларын анықтауда басты рөл атқарды. Бүгінгі күні Қытайдан Челябинск облысына барлық жүктер теңізбен (53 күнде 27000 км) немесе Транссібір магистралі бойынша құрлықпен (36 күнде 12000 км) жеткізіледі. Қазақстан арқылы өтетін транзиттік жол 10 күнде қашықтықты 3100 км-ге дейін қысқартады.
«Южноуральский» КЛК инвестициялық жобасы аясында Челябі облысының Үкіметі Челябі облысының Увельский ауданының аумағында көліктік-логистикалық кешен салуға ниетті, ол өз кезегінде жүктерді Ресейге де, Еуропаға да таратады. Еуразия құрлығы бөлінісінде «Оңтүстік Орал» КЛК Жаңа Жібек жолының тағы бір тармағы болады.
«Кедентранссервис» компаниясы Қазақстан-Қытай шекарасында транзиттік жүктерді қайта тиеумен және «Южноуральский»КЛК шеңберінде жылжымалы құрамды жалға берумен айналысады.
Инвестициялық жоба аясындағы ниет туралы келісімге Алматы қаласында «Транзит-Қазақстан 2013» көлік-логистикалық көрмесі аясында «ҚТЖ» ҰК» АҚ компаниялар тобының стендінде Atakent Expo Көрме орталығында қол қойылды.
