Жедел желі
Жаңалықтар
«Кедентранссервис» агроөнеркәсіптік кешеннің экспорттық контейнерлік логистикасын дамытуда
«Кедентранссервис» АҚ экспорттық контейнерлік логистиканы дамытуды және отандық өнімді халықаралық нарықтарға шығару мүмкіндіктерін кеңейтуді қамтамасыз ете отырып, Қазақстан Республикасының 2030 жылға дейінгі көлік-логистикалық әлеуетін дамыту тұжырымдамасын іске асыруға елеулі үлес қосуда.
Компания агроөнеркәсіптік кешен өнімдерін контейнермен тасымалдау сегментінде Қазақстанның көлік-экспедиторлық қызметтер нарығында жетекші орындардың бірін иеленеді. Өз қызметі кезеңінде «Кедентранссервис» АҚ Қытай Халық Республикасына 3 миллион тоннадан астам АӨК өнімінің экспортын ұйымдастырды, оның ішінде құрама жем, бидай және басқа да дәнді дақылдар бар.
Контейнерлендіру жүктің сақталуын қамтамасыз ететін, жеткізу мерзімдерінің сақталуына кепілдік беретін және тасымалдау үдерісінің ашықтығын арттыратын заманауи логистиканың ең тиімді құралдарының бірі болып табылады.
«Кедентранссервис» АҚ цифрлық сервистер мен клиенттерге қызмет көрсетудің заманауи стандарттарын енгізе отырып, контейнерлерге терминалдық өңдеу жүргізеді, Достық және Алтынкөл шекаралық өткелдерінде ауыстырып тиеу операцияларын жүзеге асырады.
Контейнерлік тасымалдарды дамыту Қазақстанның экспорттық әлеуетін нығайтуға, Қытаймен сауда-экономикалық ынтымақтастықты кеңейтуге және елдің Еуразиядағы маңызды көлік-логистикалық торап ретіндегі рөлін күшейтуге ықпал етеді.
