Жедел желі
Жаңалықтар
«Кедентранссервис» АҚ еңбек қауіпсіздігі бойынша семинар өткізді
Кедентранссервис» АҚ 2025 жылғы 25–26 қыркүйекте Астана қаласында өндірістік және өрт қауіпсіздігі, азаматтық қорғаныс және төтенше жағдайлар бойынша «Еңбек қауіпсіздігі мәдениетін арттыру» тақырыбында семинар өткізді.
Іс-шара еңбекті қорғау АҚ және ТЖ саласындағы мамандардың мәртебесін арттыруға, озық тәжірибе алмасуға және қызметкерлердің еңбек қауіпсіздігі мәдениетін қалыптастыруға қатысуын күшейтуге бағытталды.
Екі күн бойы қатысушылар еңбекті қорғау, жазатайым оқиғалардың алдын алу, кәсіби қауіп-қатерлерді бағалау, міндетті медициналық тексерулерден өту, сондай-ақ азаматтық қорғаныс пен өрт қауіпсіздігін ұйымдастырудың заманауи тәсілдері бойынша негізгі мәселелерді талқылады.
Семинар барысында өндірістегі жазатайым оқиғаларды тексеру, қауіпті жұмыстар кезінде наряд-рұқсат қолдану, өндірістік кеңестер жұмысы, сондай-ақ қызметкерлер арасында жүрек-қан тамырлары ауруларының алдын алу шараларының практикалық аспектілеріне ерекше назар аударылды.
Семинар еңбекті қорғау мәдениетін дамытуға елеулі үлес қосқан ең белсенді қатысушыларды марапаттау рәсімімен аяқталды.
«Кедентранссервис» АҚ компанияның тұрақты дамуы мен қызметкерлер денсаулығын сақтаудың негізгі факторы ретінде қарастыра отырып, еңбек қауіпсіздігі мәселелеріне баса мән беретінін тағы да дәлелдеді.
