Kедентранссервис» АҚ-та сыбайлас жемқорлыққа қарсы іс-қимыл мәселелері бойынша оқыту семинары өтті

2026 жылғы 26 маусымда «Кедентранссервис» АҚ-та Қоғам қызметкерлеріне арналған теміржол көлігі саласындағы сыбайлас жемқорлықтың және өзге де құқық бұзушылықтардың алдын алу мәселелері бойынша оқыту семинары өтті.
Іс-шараға Қазақстан Республикасы Мемлекеттік қызмет істері агенттігінің Астана қаласы бойынша департаментінің өкілдері және «Қазақстан темір жолы» ҰК» АҚ Комплаенс қызметінің басшысы қатысты.

Семинар барысында мемлекеттік сыбайлас жемқорлыққа қарсы саясатты іске асырудың өзекті мәселелері, Қазақстан Республикасының сыбайлас жемқорлыққа қарсы іс-қимыл саласындағы заңнамасының негізгі талаптары, сондай-ақ осы саладағы соңғы өзгерістер мен жаңалықтар қарастырылды.

Спикерлер сыбайлас жемқорлыққа қарсы заңнаманың негізгі ережелеріне жан-жақты тоқталып, ұйымдар қызметінің ашықтығы мен адалдығын арттыруға бағытталған мемлекеттік реформалар туралы баяндады. Сонымен қатар, сыбайлас жемқорлыққа қарсы заңнаманы бұзу фактілерінің тәжірибелік мысалдары мен олардың құқықтық салдары түсіндірілді.

Семинар барысында сыбайлас жемқорлыққа қарсы мәдениетті қалыптастыру, қызметтік әдеп нормаларын сақтау, мүдделер қақтығысының алдын алу және қызметкерлердің заңнама талаптарын сақтау жөніндегі жеке жауапкершілігі мәселелеріне ерекше назар аударылды.

Осындай іс-шараларды өткізу ашықтық, заңдылық және сыбайлас жемқорлыққа мүлдем төзбеушілік қағидаттарын нығайтуға, сондай-ақ «Кедентранссервис» АҚ қызметкерлерінің құқықтық мәдениеті мен жауапкершілік деңгейін арттыруға ықпал етеді.