Жедел желі
Жаңалықтар
Қытай Халық Республикасының Елшісі Zhetysu контейнерлік терминалына барды
2025 жылғы 10 маусымда жұмыс сапары аясында Қытай Халық Республикасының Қазақстан Республикасындағы Төтенше және Өкілетті Елшісі Хань Чуньлинь мырза Zhetysu контейнерлік терминалына (Алматы қаласы) барды.
Сапар барысында Елші терминалдың өндірістік инфрақұрылымымен, операциялық процестерімен және алаңның логистикалық мүмкіндіктерімен танысты. Транзиттік әлеует, цифрландыру және объектіні халықаралық көлік дәліздеріне интеграциялау мәселелеріне ерекше назар аударылды.
Сапар қорытындысы бойынша Хань Чуньлинь мырза Zhetysu контейнерлік терминалының жұмысын жоғары бағалап, оның Қазақстан мен Қытай арасындағы логистикалық серіктестікті нығайтудағы стратегиялық маңыздылығын атап өтті. Ол мұндай инфрақұрылымдық объектілердің дамуы «Бір белдеу — бір жол» бастамасын Еуразиялық маршруттармен байланыстыруға және аймақтағы экономикалық өзара байланысты нығайтуға ықпал ететінін баса айтты.
«Zhetysu контейнерлік терминалы жоғары деңгейдегі ұйымдастыру мен технологиялық жабдықталуын көрсетеді, бұл Қазақстанның маңызды транзиттік торап ретіндегі әлеуетін растайды», — деп атап өтті Елші.
Бұл сапар логистика және инфрақұрылым саласындағы екіжақты ынтымақтастықты дамыту жолындағы кезекті қадам болды.
