Жедел желі
Жаңалықтар
Zhetysu терминалына Лян Чжэнянь бастаған Қытай Халық Республикасы делегациясының сапары
2025 жылғы 12 шілдеде Zhetysu контейнерлік терминалы Қытай Халық Республикасының жоғары лауазымды делегациясын қабылдады. Сапарды Қытай Халық саяси кеңес конференциясының Ұлттық комитеті төрағасының орынбасары, GX Foundation төрағасы, Гонконг әкімшілігінің бұрынғы басшысы Лян Чжэнянь мырза бастады.
Сапардың мақсаты – терминалдың инфрақұрылымымен, оның операциялық мүмкіндіктерімен және халықаралық логистикадағы стратегиялық рөлімен танысу болды. Делегацияға нысанның техникалық жабдықталуы, операциялық қызметте қолданылатын цифрлық шешімдер және «Бір белдеу – бір жол» бастамасы аясындағы терминалдың әлеуеті туралы ақпарат ұсынылды.
Сапар барысында Лян Чжэнянь мырза логистиканың, әсіресе тез өзгеріп жатқан жаһандық нарық жағдайында халықаралық сауданы дамытуда шешуші рөл атқаратынын атап өтті.
Тараптар транзиттік тасымалдау, процестерді цифрландыру және заманауи логистикалық инфрақұрылымды дамыту салаларындағы екіжақты ынтымақтастықты одан әрі кеңейту перспективаларын талқылады.
