Жедел желі
Жаңалықтар
Maersk және «Кедентранссервис» АҚ жүктерге терминалдық қызмет көрсету саласында стратегиялық ынтымақтастықты бастады
2025 жылғы 21 мамырда Астана қаласындағы «Кедентранссервис» АҚ филиалының терминалына Maersk халықаралық логистикалық компаниясының контейнерлерінің алғашқы партиясы келіп жетіп, серіктестіктің жаңа кезеңінің басталғанын ресми түрде білдірді.
Тараптар Қазақстан Республикасы аумағында жүктерге терминалдық қызмет көрсету шеңберіндегі ынтымақтастық туралы келісімге қол қойды.
Жасалған келісім Maersk компаниясының Орталық Азиядағы мультимодальды маршруттарды дамыту жөніндегі ұзақ мерзімді стратегиясының бір бөлігі болып табылады.
Қазақстан тиімді географиялық орналасуының арқасында Еуропа мен Қытай арасындағы жүктерді транзиттеу және бөлу үшін негізгі құрлықтық торапқа айналуда.
Серіктестік аясында «Кедентранссервис» АҚ Maersk компаниясына контейнерлерді өңдеу және сақтау бойынша қызметтер ұсынады, сондай-ақ филиалдардың бүкіл ішкі желісі бойынша «бірінші және соңғы миль» қағидаты негізінде тасымалдауды қамтамасыз етеді.
Ынтымақтастық шеңберінде жоспарланған тұрақты жеткізілімдер жүктердің тұрақты ағынын қалыптастырып, Қазақстанның мультимодальды көлік жүйесін кеңейтуге ықпал етеді. Бұл, өз кезегінде, елдің Батыс пен Шығыс арасындағы сенімді транзиттік көпір ретіндегі рөлін нығайтады.
Анықтама:
Maersk — әлемнің 130-дан астам елінде жұмыс істейтін контейнерлік тасымалдау және логистикалық шешімдер саласындағы жаһандық көшбасшы компания.
